Energetika

"Şahdəniz"də qaz hasilatı - 9% ARTIB

"Şahdəniz"də qaz hasilatı - 9% ARTIB | FED.az
11:23 12 May 2020

Bu ilin I rübündə Xəzərin Azərbaycan sektorunda yerləşən "Şahdəniz" qaz-kondensat yatağından təqribən 4,7 mlrd. standart kubmetr qaz hasil edilib, bu da 2019-cu ilin müvafiq göstəricisi ilə müqayisədə 9,3% çoxdur.

Eləcə də bax: Bu il “Azəri-Çıraq-Günəşli”dən 6,4 milyon tondan çox - NEFT HASİL EDİLİB

FED.az BP-nin (layihənin operatoru) Azərbaycanda apardığı əməliyyatlar üzrə 2020-c ilin birinci rübünün yekunlarına dair dərc etdiyi hesabata istinadən xəbər verir ki, hesabat dövrü yataqda 1 mln. ton (7,7 mln. barel) kondensat hasil edilib ki, bu da ötən ilin I rübündə hasil edilən kondensat həcmlərinə bərabərdir.

Məlumata əsasən, hasilat "Şahdəniz Alfa" və "Şahdəniz Bravo" platformalarından aparılıb.

Hesabata əsasən, 2019-cu ildə "Şahdəniz" üzrə fəaliyyətlərə 219 mln. dollara yaxın əməliyyat xərcləri və 219 mln. dollar əsaslı xərclər çəkilib. Əsaslı xərclərin böyük əksəriyyəti “Şahdəniz 2” layihəsinə aid olub.

Qeyd edək ki, "Şahdəniz" yatağı üzrə pay bölgüsü haqqında saziş 1996-cı ildə imzalanıb və ratifikasiya edilib. Layihədə BP (operator – 28,8%), AzSD (10%), "SGC Upstream" (6,7%), "Petronas" (15,5%), "Lukoil" (10%), NICO (10%) və TPAO (19%) şirkətləri iştirak edir.

Digər xəbərlər