Energetika

"SOCAR TPAO ilə ortaq sərmayəni yaxın coğrafiyada yatıra bilər"

"SOCAR TPAO ilə ortaq sərmayəni yaxın coğrafiyada yatıra bilər" | FED.az
13:10 16 İyun 2021

FED.az xəbər verir ki, "SOCAR Türkiyə" şirkətində İdarə heyəti sədrinin müavini Vaqif Əliyev, Türkiyə Prezidenti Rəcəb Tayyib Ərdoğanın Şuşada çıxışında dilə gətirdiyi "Türkiyə Petrolları" (TPAO) ilə SOCAR-ın üçüncü ölkələrdə sərmayə yatırması mövzusunda, "Ölkə hələ müəyyən deyil. Lakin uzaq bir bölgə olmayacaq, yaxın coğrafiya üçün qiymətləndirmələrimiz ola bilər" deyib.

Eləcə də bax: SOCAR-ın STAR NEZ İSO 500 siyahısında Türkiyənin - 6-cı Böyük Sənaye Müəssisəsi Oldu

Xatırladaq ki,  Türkiyə Prezidenti Rəcəb Tayyib Ərdoğan iyunun 15-də Şuşada mətbuata bəyanatında söyləyib:

“Türkiyə Petrolları” başda olmaqla, bir çox şirkətimizin Azərbaycanda mühüm investisiyaları var. Eyni qaydada, SOCAR başda olmaqla, Azərbaycan şirkətlərinin Türkiyədəki sərmayələri bizi məmnun edir. Təkcə Türkiyədə deyil, lazım gələrsə, SOCAR ilə “Türkiyə Petrolları”nın üçüncü ölkələrdə də investisiya qoymaq məsələsini qardaşımla birlikdə müzakirə etdik. İnşallah, bunun üzərində də işləyirik və işləyəcəyik".

 Vaqif Əliyev, "SOCAR və TPAO 1994-cü ildən bəri ortaq sərmayə yatırır. Əlbəttə ki, bunu davam etdirmək istəyirik. Ancaq ölkə hələ dəqiq deyil, qiymətləndirmələrimiz ola bilər. Söz mövzusu üçüncü ölkə yaxın bir yer (coğrafiya) olacaq. Sinqapur və ya Afrika ola bilməz" deyib. (Marja)

Banner
Banner

Digər xəbərlər