London birjasında əməliyyatlar zamanı Rusiyanın "Rosneft"şirkətinin bazar kapitallaşması 90,83 milyard dolları keçib. Beləliklə, ticarət məlumatlarından belə çıxır ki, "Rosneft" şirkəti, 87,8 milyard dollarlıq bazar kapitallaşması olan Böyük Britaniyanın BP şirkətini keçib.
Eləcə də bax: BP Azərbaycanda təsdiq olunmuş neft ehtiyatlarının həcmini - Açıqlayıb
FED.az xəbər verir ki, bazar ertəsi səhər Moskva birjasında "Rosneft" bir səhmlinin qiyməti 3,4% artaraq 628,35 rubla çatıb, bu tarixi maksimumdur.
London Fond Birjasında şirkətin səhminin qiyməti 8.56 dollara çatıb (+ 3.15%). Beləliklə, şirkətin kapitallaşması 90,7 milyard dolları keçıb və bu da dəyər baxımından Britaniyanın BP şirkətini qabaqlamağa imkan verib. Sonuncunun səhmləri bazar ertəsi səhər London Birjasında 2.01% bahalaşaraq 3.26 funta yüksəlib və 87.8 milyard dollar kapitallaşma təmin edib.
"Rosneft" səhmləri artan neft qiymətləri fonunda bahalaşır. Londonun ICE birjasında Brent neftinin noyabr fyuçersləri 1,22% bahalaşaraq 78,19 dollar / barelə yüksəlib.
Ancaq "Rosneft"in səhmlərinin qiymətindəki artım rəqiblərini qabaqlayır. İlin əvvəlindən şirkəti 42% bahalaşıb. Moskva Birjasında yanacaq və enerji şirkətlərinin indeksi isə cəmi 27,6% artıb. İnvestisiya analitiklərinin fikrincə, şirkətin səhmlərinin daha çox bahalaşması yüksək dividend gəlirləri və "Vostok Oil" layihəsinin perspektivləri ilə əlaqədardır. (Marja)
