Rusiya Federasiyası Prezidentinin mətbuat katibi Dmitri Peskov bildirib ki, Kreml qaz kəmərlərində təzyiqin azalması ilə bağlı məlumatlardan son dərəcə narahatdır.
Eləcə də bax: Rusiya “Şimal axını” marşrutu üzrə Avropaya qaz nəqlini tamamilə - DAYANDIRIB
FED.az xəbər verir ki, Peskov çərşənbə axşamı jurnalistlərə müsahibəsində deyib ki, "Şimal axını" xətlərində təzyiqin azalması və zədələnməsi ilə bağlı məlumatlar çox narahatedici xəbərlərdir.
"Dünən məlumat var idi, həm "Qazprom"dan, həm də əməliyyat şirkətindən gəldi. Bu, çox narahatedici xəbərdir. Doğrudan da, söhbət boru kəmərində hansısa zədələnmədən söhbət gedir, Danimarkanın iqtisadi zonasında hansı növ dağıntılar olduğu hələ məlum deyil. Doğrudan da, təzyiq əhəmiyyətli dərəcədə aşağı düşüb”, - Peskov bildirib.
"Bu, tamamilə görünməmiş bir vəziyyətdir və təcili araşdırma tələb edir. Biz bu xəbərdən son dərəcə narahatıq", - o əlavə edib.
Peskov istisna etməyib ki, hadisə təxribatın nəticəsi də ola bilər.
“İndi biz bir variantı istisna edə bilmərik”, o deyib.
Peskov vurğulayıb ki, “bu, bütün qitənin enerji təhlükəsizliyi ilə bağlı məsələdir”.
Nord Stream AG-nin daha əvvəl bildirdiyi kimi, eyni gündə “Şimal axını 1” və “Şimal axını 2” dəniz qaz kəmərlərinin üç xəttində baş vermiş zədələnmələr görünməmiş bir hadisədir və bərpa müddətini hələlik təxmin etmək mümkün deyil.
“Der Tagesspiegel” qəzeti öz mənbələrinə istinadən yazıb ki, qaz kəmərlərində təzyiqin aşağı düşməsinə məqsədli təxribat səbəb ola bilər. (Marja)
