Əsas tənzimləyici orqanlar tərəfindən aparılmış hərtərəfli akkreditasiya və sertifikasiyadan sonra neft-qaz yataqlarında əməliyyatlar həyata keçirən və avadanlıqlara texniki xidmətlər üzrə aparıcı şirkət olan Glensol artıq Azərbaycanda strateji ehtiyat hissələrinin yerli istehsalçısı kimi də fəaliyyət göstərəcək.
Nobel Oil Services şirkətindən FED.az-a verilən məlumata görə, bu əhəmiyyətli nailiyyət, kompleks qazvurma qurğularının, onların modul və sistemlərinin istehsalı da daxil olmaqla əsas fəaliyyətini hərtərəfli mühəndis-layihələndirmə həlləri üzərində cəmləşdirən Rusiyanın ağır sənaye nəhəngi RUMO şirkəti ilə əldə olunan razılaşma nəticəsində əldə edilmişdir. Razılaşmaya əsasən Glensol şirkəti ehtiyat hissələrinin lisenziyalaşdırılmış yerli istehsalçısı kimi fəaliyyət göstərəcək.
Lisenziya sazişinin bir hissəsi olaraq Glensol şirkəti 10 QKN, 10 QKNAM, 10 QKNA porşenli qaz kompressorlarını və kompleks mühərrik-kompressoru yığacaq və kompressorlara aid müxtəlif ehtiyat hissələrini istehsal edəcək. Şirkət bu işləri Azərbaycanda yerləşən, istismar öncəsi geniş çeşidli sınaqlar aparmaq üçün nəzərdə tutulan laboratoriyalar ilə təchiz edilmiş, müasir tələblərə cavab verən öz kompleks emalatxanasında görəcək.
Glensolun müştəriləri üçün bu, işləri daha çevik və səmərəli şəkildə görməyə şərait yaradacaq belə ki, onların loqistika xərcləri daha az olacaq və tələb olunan məhsulların istehsalına daha az vaxt sərf etməklə daha sürətli çatdırılmasına imkan verəcək. Yerli istehsalçı ilə işləmək həm də o deməkdir ki, Glensol şirkəti ilə bilavasitə qurulan təmas sayəsində müştərilər mümkün problemlər haqqında həmin çətinliklər meydana gəldikdə dərhal məlumatlandırılacaq və problemlərin aradan qaldırılması üçün tez bir zamanda həll yolları tapacaq. Bu, hasilat sürətini yuxarı templə aparmağa və məhsulun bütün keyfiyyət standartlarına cavab verməsini təmin etməyə kömək edəcək.
Bu əhəmiyyətli nailiyyəti qazanmaq üçün Glensol şirkəti uzun bir yol keçmişdir. Ötən 10 il ərzində şirkət özünün fiziki aktivlərinə və əməkdaşlarının peşəkarlığının artırılmasına davamlı şəkildə investisiya etmişdir ki, bu da əsas yerli və beynəlxalq alıcılar tərəfindən öz təsdiqini tapmışdır. Glensol şirkəti özünün keyfiyyətin idarə edilməsi sistemini işləyib hazırlamış və mütəmadi olaraq təkmilləşdirmiş və bütün qurğu və avadanlıqların və göstərdiyi xidmətlərin əsas normativ sənədlərin tələblərinə uyğun olmasını təmin etmişdir.
Glensol şirkətinin baş direktoru Tamerlan Əliyev: “Əldə edilən bu əhəmiyyətli nailiyyət, infrastruktur, potensial və bacarığımızın inkişafı əsasında Glensol şirkətinin gördüyü işləri daim təkmilləşdirməsi nəticəsində mümkün olmuşdur. Bu, həm Glensol şirkətinin yerli və beynəlxalq müştərilərinə yüksək keyfiyyətli xidmət və məhsulları təqdim etmək üzrə təsdiqlənmiş bacarıq və potensialının həm də Azərbaycanda yerli şirkətlərin inkişafına dəstək vermək üçün şirkətin daima göstərdiyi səylərinin göstəricisidir.
Xatırladaq ki, Nobel Oil Services şirkətinin neft-mədən işləri həyata keçirən və avadanlıqlara texniki xidmət göstərən törəmə müəssisəsi olaraq 2012-ci ildə yaradılmış Glensol şirkəti, yerli və beynəlxalq neft-qaz şirkətlərini fırlanan avadanlıqlarına, o cümlədən turbokompressor avadanlıqlarına xidmətlərin göstərilməsi, nəzarət vasitələri, istismar və texniki qulluq üzrə xidmətləri ilə təmin edən etibarlı təchizatçıdır.
Şirkət hərtərəfli klapan, üst ötürücü sistemi (top drive), nasos, elektrik mühərriki və generatorlara xidmətlər daxil olmaqla geniş çeşidli xidmətlər göstərən, regionda yeganə “vahid pəncərə” prinsipi ilə işləyən kompleks emalatxanadan yararlanmağı təklif edir.
Glensol şirkətinin təklif etdiyi həllər haqqında daha ətraflı məlumat üçün veb-səhifəmizə daxil ola bilərsiniz: https://glensol.az
