Bu gün birjalarda neft kəskin ucuzlaşıb.
FED.az xəbər verir ki, West Texas Intermediate (WTI) markalı xam neft, səhmlərin ucuzlaşması və dolların bahalaşması ilə mayın 11-dən bəri ilk dəfə 100 dollardan aşağı düşüb. Digər tərəfdən, Brent markalı neftin barreli beynəlxalq bazarlarda 10,84 faiz ucuzlaşıb.
Qərbi Texas tipli xam neft (WTI) 9,16 faiz ucuzlaşaraq barreli 99 dollar olub. Həmin saatlarda beynəlxalq bazarlarda Brent markalı neftin bir barreli 10,84 faiz ucuzlaşaraq 102,7 dollara satılıb. Citigroup Inc, tənəzzül vəziyyətində xam neftin bu il 65 dollara düşə biləcəyini şərh edib.
Başda ABŞ olmaqla, bütün dünyada güclənməyə davam edən tənəzzül narahatlıqları və inflyasiya ilə bağlı qeyri-müəyyənliklər qiymətlərin aşağı düşməsində təsirli olur.
Rusiyanın Ukraynaya müdaxiləsi də neft axınının pisləşməsinə səbəb oldu. Enerji xərclərinin artması qlobal inflyasiyaya səbəb olsa da, bu vəziyyət Mərkəzi Bankların faiz dərəcələrini artırmasına səbəb olub.
