Neftin qiyməti üç illik rekord səviyyələri yeniləyərək 80 dollar/bareli də aşıb.
FED.az xəbər verir ki, Bakı vaxtı ilə saat 07:47-də Brent nefti 2,9% bahalşama ilə 80,35 dollardan, ABŞ xam nefti isə 3,1% bahalaşma ilə 76,25 dollardan ticarət olunub.
Brent nefti 2018-ci ilin Oktyabr ayından bəri ən yüksək səviyyəyə çatıb.
Neftin bahalaşmasının səbəblərindən biri, investorlar bütün dünyada neft və neft məhsulları ehtiyatlarının azalmasına diqqət yetirməyə davam etmələridir.
Keçən həftə, dünyanın hər yerindəki anbarlar 21 milyon barel boşalıb və ABŞ-ın kommersiya xam neft ehtiyatları 2019-cu ilin dekabrından bu yana ən aşağı səviyyəyə düşüb.
"Goldman Sachs" analitiklərinin hesablamalarına görə, okeanlarda üzən tankerlərdə saxlanılan nefti nəzərə alsaq, ehtiyatlar gündə 4,5 milyon barel azalır - bu, tarixdə rekorddur.
Qlobal investisiya bankı "Goldman Sachs" Brent markalı neftin ilin sonuna olan proqnozunu 10 dollar artıraraq 90 dollar/barelə çatdırıb.
Yanacağa olan tələbat sürətlə bərpa olunur, neft təklifi isə tələbin artmasından geri qalır. Qlobal tədarüklər, koronavirusun Delta variantının yayılması və İda qasırğasının ABŞ-ın istehsalına vurduğu zərbə ilə əlaqədar olaraq azdır. Qısası, bazarda kəsir mövcuddur.
Neft istehsal edən ölkələr pandemiyadan sonra az investisiya və ya təmir gecikmələri davam etdiyinə görə hasilatı artırmaqda çətinlik çəkirlər.
Qlobal enerji çatışmazlığı yaxın günlərdə və hətta həftələrdə əmtəə bazarlarında vəziyyəti müəyyən edəcək: qışın yaxınlaşması ilə tələbatın təklifdən artıq olması ilə qiymətlər daha da arta bilər.
"Hess Corp"un prezidenti Greg Hill, qlobal neft tələbatının 2021-ci ilin sonunda və ya 2022-ci ilin birinci rübündə gündəlik 100 milyon barrelə yüksələcəyini nəzərdə tutur. IEA-nın məlumatına görə, 2019-cu ildə, COVİD-19 pandemiyasının iqtisadi fəaliyyətə və yanacağa olan tələbata zərbə vurmadan əvvəl, dünya 99,7 milyon barel neft istehlak edirdi.
Hindistanın neft idxalı avqust ayında üç ayın ən yüksək səviyyəsinə çatıb.(marja)
