Energetika

Neftin qiyməti daha da aşağı düşdü - YENİLƏNİB

Neftin qiyməti daha da aşağı düşdü - YENİLƏNİB | FED.az
19:00 7 Avq 2019

Brent neftinin qiyməti 57 dollardan da aşağı düşüb. 

FED.az  xəbər verir ki, Bakı vaxtı ilə saat 18:05-də Brent nefti 56,79 dollardan alıcı tapıb. Brent nefti son seansda  3,7% ucuzlaşıb. Avqust ayında Brent nefti 13% ucuzlaşıb. İyulun sonunda Brent nefti 65 dollardan baha satılırdı.
Eləcə də bax: Neftin 50 dollara enməsi Azərbaycan iqtisadiyyatı üçün - "QIRMIZI ZONA" DEMƏKDİR 

Aprel ayının ortaları ilə müqayisədə isə neftin qiyməti 25% düşüb. Apreldə Brent neftinin qiyməti 75 dolları keçmişdi. Brent nefti "ayı bazarı"na girib. 

Neftin ucuzlaşmasına səbəb ABŞ və Çin arasında ticarət müharibəsinin şiddətlənməsidir. ABŞ Sentyabr ayından etibarən 300 milyard dollarlıq Çin məhsullarına əlavə 10% vergi tətbiq edəcəyini açıqladıqdan sonra, Çin milli valyutası yuanın ucuzlaşmasına icazə verib.

Ticarət müharibəsinin dünyanın iki böyük iqtisadiyyatı başda olmaqla qlobal iqtisadiyyata ziyan vuracağı və nəticədə neftə tələbin azalacağı ehtimal edilir.

Qeyd edək ki, Azərbaycan hökuməti 2019-cu ilin dövlət büdcəsi üçün neftin qiymətini 60 dollar götürüb.

Mənbə: Marja

Digər xəbərlər