Energetika

Neft Trampın cəhdlərindən də dəstək - ALA BİLMƏDİ

Neft Trampın cəhdlərindən də dəstək - ALA BİLMƏDİ | FED.az
10:37 1 Aprel 2020

Neft qiymətləri, ABŞ  Prezidenti Donald Trampın Səudiyyə Ərəbistanı və Rusiya ilə qiymətləri sabitləşdirmək üçün danışıqlar aparması cəhdinə baxmayaraq 20 dollar səviyyələrində qalır.

Eləcə də bax: “Moody’s” ucuz neftin - AZƏRBAYCANA TƏSİRİNDƏN YAZDI

Neft qiymətləri ilin ilk 3 aylıq dövründə, koronavirus epidemiyasının tələbi azaltması və dünyanın ən böyük neft istehsalçılarının bazarları neftə "boğmasının" təsiri ilə 66% düşüb. 

FED.az xəbər verir ki, Trampın qiymətlərdəki çöküşü Rusiya və Səudiyyə Ərəbistanı ilə müzakirə etdiyini, Moskva və Krallığın bir həll tapmaq üçün görüşəcəklərini söyləməsi də qiymətlərə çox  dəstək təmin etməyib. 

Sektorun qabaqcıl analitikləri, neft üçün proqnozların qorxunc olduğunu və neftin fəlakət bir Aprel ayı ilə qarşı-qarşıya ola biləcəyini qeyd edirlər. İraq bu ay istehsalını artıracaq, ABŞ-da xam neft ehtiyatları 2017-ci ildən bəri ən böyük həftəlik artımını reallaşdırıb. 

Bir sıra analitiklərə görə isə, müzakirə ehtimalı həddindən artıq pis vəziyyətdəki bazara bir az olsun ümid işığı verir. Ancaq qiymətlərin çöküş əvvəli səviyyələrinə yüksələ bilməsi üçün hasilatın çox azaldılması lazım olacaq. 

Bakı vaxtı ilə saat 10:30-da Qərb Texas nefti (WTI) 20.56 dollardan, Brent nefti 25.83 dollardan alıcı tapıb. 

Trampın açıqlamasından sonra Brent neftin qiyməti 30 dollara yaxınlaşsa da yenidən 25 dollar səviyyələrinə düşüb.

Marja

Digər xəbərlər

Banner