Banner

Energetika

Neft ölkələri üçün pis xəbər - ÇİNİN NEFTƏ TƏLƏBATI 20 FAİZ AZALDI

Neft ölkələri üçün pis xəbər - ÇİNİN NEFTƏ TƏLƏBATI 20 FAİZ AZALDI | FED.az
13:27 3 Fev 2020

Çinin xam neftə olan tələbatının 20 faiz azaldığı bildirilir.

FED.az xəbər verir ki, dünyanın ikinci böyük iqtisadiyyatına malik olan Çinin iqtisadiyyatına mənfi təsir edən koronavirus ölkənin neft tələbatını da azaldıb.

Eləcə də bax: Neftin qiyməti təhlükəli həddə yaxınlaşdı – SON QİYMƏT

Mənbələrə görə, Çinin neft tələbatı gündəlik 3 milyon barrel geriləyib. Həmin göstərici Çinin ümumi istehlakının 20 faizinə bərabərdir.

Bu, 2008-2009-cu illərdəki qlobal maliyyə böhranından indiyədək ən böyük tələb geriləməsi və ABŞ-dakı 11 sentyabr hadisələrindən bəri istehlakda ən qəfil azalmadır.

Qeyd edək ki, Çin 2016-cı ildə ABŞ-ı üstələyərək dünyanın ən böyük neft idxalçısı olub. Beləliklə də Çinin neft istehlakındakı hər hansı bir dəyişiklik qlobal enerji bazarına da böyük təsir göstərir. Sutkada 14 milyon barrel neft istehlak edən Çinin gündəlik istehlakı Fransa, Almaniya, İtaliya, İspaniya, İngiltərə, Yaponiya və Koreya Respublikasının ümumi istehlakına bərabərdir (Azertag)

Digər xəbərlər

Banner