Banner

Energetika

Nə üçün Azərbaycan nefti bütün - NEFT MARKALARINDAN BAHADIR?

Nə üçün Azərbaycan nefti bütün - NEFT MARKALARINDAN BAHADIR? | FED.az
09:36 21 Fev 2020

“Azərbaycan nefti dünya bazarlarında bütün neft markalarından bahadır. Bunun səbəbi isə “AzerLight” markalı neftimizin tərkibində kükürdün miqdarının az olması ilə bağlıdır”.

Eləcə də bax: İxracın kəskin artımı – NEFTİN HESABINA OLUB - RƏQƏMLƏR

FED.az xəbər verir ki, bunu Modern.az-a “AzerLight” markalı neftin tərkibi haqqında danışarkən Neft Araşdırmaları Mərkəzinin rəhbəri İlham Şaban deyib.

O qeyd edib ki, “AzerLight” markalı Azərbaycan nefti azkükürdlü neft qrupuna daxildir:

“Hətta neftimizin tərkibində kükürdün miqdarı o qədər azdır ki, bəzən bizim neftimizi ümumiyyətlə, kükürdsüz neft adlandırırlar. Neftayırma zavodları, neft şirkətləri bizim neftimizi almağa maraqlıdır. Neftimizin tərkibində qarışıq az olduğundan yanacaq alarkən daha az enerji sərf edilir.

Ötən ilin oktyabrında Avropa Komissiyası neft emalı zavodlarında ekoloji faktorlarla bağlı yoxlamaları daha da sərtləşdirdi. Ondan sonra azkükürdlü neftə tələbat daha da yüksəlib. Buna görə, “AzerLight” markalı neftlə “Brent” nefti arasındakı fərq 2 dollar idisə, indi neftimiz 4 dollara qədər bahadır”.

İlham Şaban bildirib ki, Azərbaycan nefti sutka yarımdan bir ixrac olunur:

“İndi dünya bazarında neftin qiyməti 59 dollardırsa, “AzerLight” 63 dollardan ucuz satılmır.

Ümumilikdə isə “Brent” markalı neftdən bahalı marka “EkoFiks”dir. O Şimal dənizində hasil olunur. Dünya bazarlarında ən bahalı neft elə “AzerLight”dır”.

Azərbaycan neftindən alınan məhsulların sayına gəlincə isə, Mərkəz rəhbəri ölkəmizdəki neftayırma zavodunda 20-ə yaxın məhsul alındığını diqqətə çatdırıb:

“Lakin dünya  neftayrıma zavodlarında bu məhsulların sayı daha çoxdur.

Dünyada ən yüksək rentabelli neftayırma zavodları ABŞ-dadır. Buna görə, onlar özlərinin neft məhsulları ilə bütün dünyada rəqabət apara bilirlər. Onlar 100 adda məhsul buraxa bilirlər. Azərbaycan neftayırma zavodlarında isə neftdən alınan məhsulların sayı azdır. Məsələn, Azərbaycan nefti nə qədər əlverişli olsa da, ölkəmiz hələ də maşın yağı istehsal edə bilmir. Polşadan maşın yağı alınır.

Avropa ölkələri də neftdən məhsul hazırlamaqda ustadır. Mən Almaniyada neftdən hazırlanan bal yemişəm. Bu ölkələrdə neftdən nə desən, hazırlamaq olar”.

 

Digər xəbərlər

Banner