Gürcüstanın paytaxtı Tbilisi şəhərinin əhalisi üçün elektrik enerjisinin istehlak tarifi artırılıb.
Bu barədə qərar Gürcüstanın Energetika və Su Təminatı üzrə Milli Tənzimləmə Komissiyasının iclasında qəbul olunub.
Qərara əsasən, Tbilisini elektrik enerjisi ilə təmin edən “Telasi” SC-nin abunəçiləri üçün 1 kv/saat üçün tarif ƏDV daxil olmaqla 1,56 tetri bahalaşıb.
2018-ci ilin yanvarın 1-dən qüvvəyə minəcək yeni tariflər 3 il müddətinə müəyyənləşib.
Gürcüstanın regionlarını elektrik enerjisi ilə təmin edən “Energo-Pro Georgia” SC-nin abunəçiləri üçün də tarifin artırılacağı gözlənilir.
