Energetika Nazirliyi yanında Enerji Məsələlərinin Tənzimlənmə Agentliyinin (EMTA) Lənkərandakı regional bölməsində kadr islahatı həyata keçirilib.
Eləcə də bax: Dövlət Gömrük Komitəsində yeni – TƏYİNATLAR
FED.az biznes və maliyyə xəbərləri portalı Report-a istinadən xəbər verir ki, EMTA-nın Lənkəran regional şöbəsinin rəhbəri Ramin Əliyev vəzifəsindən azad edilib.
Onun yerinə bu vəzifəyə İntiqam Mehdiyev təyin edilib.
Agentlikdən bu xəbəri təsdiq ediblər.
Qeyd edək ki, Azərbaycan Prezidentinin 2017-ci il 22 dekabr tarixli Fərmanı ilə Energetika Nazirliyinin tabeliyində publik hüquqi şəxs statuslu “Enerji Məsələlərini Tənzimləmə Agentliyi” (EMTA) yaradılıb.
Qurumun yaradılmasında əsas məqsəd Azərbaycanda elektrik və istilik enerjisi, habelə qaz təchizatı sahələrində istehsalçılar, ötürücülər, paylayıcılar, təchizatçılar və istehlakçılar arasında münasibətlərin tənzimlənməsi, müəssisələrin fəaliyyətinin təhlili, restrukturizasiya tədbirləri ilə bağlı təkliflər verilməsi, investisiyaların cəlb edilməsi üçün stimullaşdırıcı mexanizmlər hazırlanması, mühəndis-kommunikasiya təminatı sistemlərinə və xidmətlərin keyfiyyətinə dair tələblərə əməl edilməsinə nəzarətin təşkilinin həyata keçirilməsidir.
