Energetika

BP və tərəfdaşları Azərbaycandakı sosial layihələrə - 3 MİLYON DOLLAR XƏRCLƏYİB

BP və tərəfdaşları Azərbaycandakı sosial layihələrə - 3 MİLYON DOLLAR XƏRCLƏYİB | FED.az
19:38 6 Fev 2020

BP və onun əməliyyatçısı olduğu birgə layihələrdəki tərəfdaşları 2019-cu ildə Azərbaycandakı sosial investisiya layihələrinə 3 milyon dollar xərcləyib.

Eləcə də bax: BP-də işləyən azərbaycanlıların - SAYI AÇIQLANDI

FED.az “BP Azerbaijan” şirkətindən "AZƏRTAC"a verilən məlumata istinadən xəbər verir ki, Xəzər dənizindəki layihələrin uğuru həm də əməliyyatçının regiondakı ölkələrin əhalisi üçün bu layihələr vasitəsilə hiss edilən faydalar yaratmaq bacarığından asılıdır. Buna nail olmaq üçün BP mühüm sosial investisiya layihələri həyata keçirməyə davam edir. Bu layihələrə təhsil proqramları, yerli icmalarda bacarıq və qabiliyyətlərin yaradılması, icmaların sosial infrastrukturla bağlı vəziyyətinin təkmilləşdirilməsi, maliyyə vəsaitlərinə çıxışın təmin edilməsi və təlim vasitəsilə yerli müəssisələrə dəstək, mədəni irs və idmanın inkişafına dəstək, eləcə də hökumət qurumlarına texniki yardım daxildir.

Ölkə iqtisadiyyatının güclənməsinə kömək etmək məqsədilə BP (özünün əməliyyatçısı olduğu birgə layihələrdəki tərəfdaşları adından) Azərbaycanın hər yerində yerli bacarıqların yaradılmasını və sahibkarlığın inkişafını dəstəkləyən sosial investisiya layihələrini davam etdirəcək.

Digər xəbərlər