5 may 2023-cü il tarixində “Bakı Teleqrafı” ASC səhmdarlarının növbəti illik ümumi yığıncağı keçiriləcəkdir.
Azərbaycanın 21 milyonluq şirkətinin - RƏHBƏRLİYİ DƏYİŞDİRİLİR
FED.az xəbər verir ki, iclasın gündəliyindəki məsələlər aşağıdakılardır:
1. 2022-ci ilin yekunu üzrə cəmiyyətin maliyyə-təsərrüfat fəaliyyətinin hesabatı.
2. İdarə heyətinin üzvlərinin və sədrinin seçilməsi.
Ümumi yığıncaqda bütün səhmdarların şəxsiyyətini təsdiq edən sənədlə iştirakı vacibdir. İclasın keçiriləcəyi ünvan- Bakı şəhəri, Səbail rayonu, Ü.Hacıbəyov küçəsi 36. (“Azərpoçt” MMC-nin inzibati binasının 6-cı mərtəbəsi).
Bakı Teleqrafı 1932 -ci ildə yaradılmışdır. Bakı Teleqrafı sənədli elektrik rabitəsinin beynəlxalq operatorudur. Bakı Teleqafı respublikada teleks və teleqraf rabitələri üzrə rabitə təşkilatlarından biridir. Beynəlxalq və respublika daxili teleqraf və teleks rabitələri xidmətlərini göstərir. 25.12.2001-ci il tarixdən Bakı Teleqrafının bazasında Bakı Teleqrafı Açıq Səhmdar Cəmiyyəti yaradılmışdır.
