2007-ci ildən 2023-cü ilədək Azərbaycandan xarici ölkələrə 584 201,8 min ton neft ixrac edib.

• Xam neft ixracından gəlirlər 2 milyard dollara yaxın azaldı - YENİ GÖSTƏRCİLƏR

FED.az bu barədə Dövlət Statistika Komitəsinin açıqladığı rəqəmlər əsasında apardığı hesablamalara istinadən xəbər verir.

Məlumata görə 2007-ci ildən 2010-cu ilədək ixracda artım müşahidə edilsə də, 2011-ci ildən artıq azalma tempi baş verməkdədir.

Belə ki, əgər 2010-cu ildə 44 507,9 min ton xam neft ixrac edilmişdisə 2011-ci ildə 12,3% azalma ilə bu göstərici 39 028,7 min tona düşüb. 2023-cü ildə isə 2022-ci ilə nisbətən 2,2% azalma baş verib.

Əlavə məlumat üçün qeyd edək ki, 2024-cü ilin yanvar-noyabr ayında Azərbaycandan 13 milyard 304 milyon dollar həcmində 21 milyon 555 min ton xam neft ixrac edilib. 

Xam neft ixracı ötən ilin eyni dövrü ilə müqayisədə dəyər ifadəsilə 1 milyard 795 milyon dollar və ya 11,9%, miqdar ifadəsilə isə 2 milyon 643 min ton, başqa sözlə 10,9% azalıb.

Qeyd edək ki, 2023-cü ilin 11 ayı ərzində Azərbaycandan 15 milyard 99 milyon dollar dəyərində 24 milyon 199 min ton xam neft ixrac olunmuşdu.

Bu ilin yanvar-noyabr ayında Azərbaycanın ixrac etdiyi xam neftin 1 tonunun orta ixrac qiyməti 1 049 manat təşkil edib. 2023-cü ilin eyni dövründə isə bu rəqəm 1 060 manat idi. Bu da illik müqayisə ilə 11 manat  və ya 1,1% ucuzlaşma deməkdir.

Bu il ümumi ixracın 54,67%-i xam neftin payına düşüb.Ötən ilin eyni dövründə isə bu göstərici 47,92% olub.