Energetika

Azərbaycanda neft hasilatı - 1 MİLYON TON AZALIB

Azərbaycanda neft hasilatı - 1 MİLYON TON AZALIB | FED.az
09:36 9 İyul 2020

2020-ci ilin yanvar-iyun aylarında operativ məlumatlara əsasən, Azərbaycanda 17,8 milyon ton neft (kondensatla birlikdə) hasil edilib. 

Eləcə də bax: Neft hasilatının ixtisarı daha bir ay - UZADILA BİLƏR

FED.az Energetika Nazirliyinə istinadən xəbər verir ki, neft (kondensatla birlikdə) hasilatı ötən ilin müvafiq dövrü ilə müqayisədə təxminən, 1 milyon ton az olub. Respublika üzrə hasil edilmiş neftin 12,2 milyon tonu “Azəri-Çıraq-Günəşli”nin, 1,9 milyon tonu (kondensat) “Şahdəniz”in payına düşüb. SOCAR üzrə hasilat isə 3,7 milyon ton təşkil edib.

Birinci yarımildə 14,7 milyon ton neft (kondensatla birlikdə) ixraca nəql olunub. Bu 2019-cu ilin yanvar-iyun aylarına nisbətən, təxminən, 900 min ton, yəni 5,9 faiz azdır. Neft-kondensatın 14,1 milyon tonu konsorsium, 0,6 milyon tonu isə SOCAR üzrə ixraca nəql edilib.  

Ölkədə neft emalı isə 2020-ci ilin 6 ayında 3 milyon ton təşkil edib. Bu da ötən ilin müvafiq dövrünə nisbətən 79 min ton azdır. 

Digər xəbərlər

Banner