Dünya bazarında "Azeri Light" (CIF) markalı neftin qiyməti artıb.
FED.az xəbər verir ki, Azərbaycan neftinin 1 barelə olan qiyməti 3,75% və ya 4,2 dollar artaraq 116,1 dollar təşkil edib.
Xatırladaq ki, bu ilin fevral ayının nəticələrinə əsasən, dünya bazarında "Azeri Light" (CIF) markalı neftin 1 barelinin orta qiyməti 98,72 ABŞ dollarına bərabər olub. Bu, 2021-ci ilin fevral ayının göstəricisi ilə müqayisədə 35,98 dollar və ya 57,3 çoxdur. Bu ilin yanvar ayı ilə müqayisədə isə fevralda Azərbaycan neftinin 1 barelinin orta qiyməti 9,32 dollar (və ya 10,4%) artıb. (Apa)
