Bu ilin yanvar-aprel aylarında Azərbaycanda 8 milyard 789,8 milyon kVt/saat elektrik enerjisi istehsal olunub.

• "İstilik təchizatı haqqında" yeni qanun layihəsi qəbul edilib

FED.az xəbər bu barədə Dövlət Statistika Komitəsinə istinadən xəbər verir.

Məlumata görə, bu da illik müqayisədə 1,6% artım deməkdir.

Hesabat dövründə ölkədə istehsal olunan elektrik enerjisinin 8 milyard 485,4 milyon kVt-saatı əmtəəlik məhsulun payına düşüb  ki, bu illik müqayisə ilə 1,5% artım deməkdir.

Ölkədə istehsal olunan elektrik enerjisinin ən böyük payı - 7 milyard 287 milyon kVt/saat istilik elektrik stansiyalarının üzərinə düşüb ki, bu da 2024-cü ilin yanvar-aprel göstəricisindən 2,1% azdır.

Qeyd etmək lazımdır ki, cari ilin ilk dörd ayı ərzində Azərbaycanda istehsal olunan elektrik enerjisinin qalan hissəsi yəni 1 milyard 63,2 milyon Kvt/saatı (35,9% artım) su elektrik stansiyalarından, 129,6 milyon kvt/saatı (10,7% artım) günəş elektrik stansiyalarının payına düşüb.

* əsas fəaliyyəti elektrik enerjisinin istehsalı olmayan müəssisələr nəzərə alınmadan