2021-ci ilin ilk 4 ayanda Azərbaycan qazının satıldığı xarici ölkələr, satılan qazın həcmi və ödənilən məbləğlər açıqlanıb.
FED.az xəbər verir ki, Dövlət Gömrük Komitəsinin məlumatına görə, yanvar-aprel aylarında Azərbaycan 5 ölkəyə ümumilikdə 7 milyard 837,6 milyon kubmetr təbii qaz ixrac edilib.
İxrac edilən qazın dəyəri 1 milyard 131,5 milyon dollar olub. Başqa sözlə qazın hər min kubietri xaricə 144 dollardan satılıb.
Qazın böyük hissəsi Türkiyəyə, digər hissələr Gürcüstan, İtaliya, Yunanıstan və Bolqarıstana satılıb.
Bu dövrdə Türkiyəyə 5 milyard 146 milyon kubmetr qaz ixrac edilib. Qazın ümumi dəyəri 708,3 milyon dollar təşkil edib. Başqa sözlə, Türkiyəyə qazın hər kubmetri 138 dollardan satılıb.
Gürcüstana ümumi dəyəri 227,4 milyon dollar olan 1 milyard 738 milyon kubmetr qaz satılıb (orta qiymət 131 dollar).
İtaliyaya ümumi dəyəri 150,8 milyon dollar olan 733,8 milyon kubmetr qaz satılıb – orta qiymət 205 dollar.
Yunanıstana ümumi dəyəri 32,8 milyon dollar olan 127,8 milyon kubmetr qaz satılıb – orta qiymət 256 dollar.
Bolqarıstana ümumi dəyəri 12,2 milyon dollar olan 92 milyon kubmetr qaz satılıb – orta qiymət 132 dollar təşkil edib.
