“Badamdar ərazisində baş vermiş sürüşmə prosesi əsasən təbii amillərin təsirindən yaranıb. Ərazinin geoloji quruluşunda iştirak edən süxurların yuyulmağa həssaslığı, maili yamacın olması və son aylar ərzində ərazidə intensiv atmosfer yağıntıları bu prosesi qaçılmaz edib”.
Eləcə də bax: Badamdarda sürüşmə oldu, dağıntılar var - FOTOLAR
FED.az xəbər verir ki, bu barədə ETSN-nin Milli Geoloji Kəşfiyyat Xidmətinin mütəxəssisi Rafiq Həsənov bildirib.
O qeyd edib ki, hazırda ərazidə nazirlik tərəfindən tədqiqat işləri aparılır: “Sürüşmə kütləsinin parametrləri ölçülür və bu istiqamətdə araşdırmamız davam edir. Ərazidə təbii amillərdən başqa digər amillərin də təsiri vardır. Belə ki, yamacın yuxarı hissəsindən təsərrüfat sularının axıdılması səbəbindən proses aktivləşib”. (Qafqazinfo)
