Azərbaycan Prezidenti İlham Əliyev Ordubad Rayon İcra Hakimiyyətinə yeni başçı təyin edib.
FED.az xəbər verir ki, dövlət başçısının bununla bağlı sərəncamına əsasən, Rəcəb Zakir oğlu Rəhimli Naxçıvan Muxtar Respublikası Ordubad Rayon İcra Hakimiyyətinin başçısı təyin edilib.
Qeyd edək ki, Rəcəb Rəhimli daha əvvəl Prezident yanında Dövlət İdarəçilik Akademiyasının Dövlət qulluğu və kadr siyasəti kafedrasının müdiri işləyib. O, siyasi elmlər üzrə fəlsəfə doktorudur.
Xatırladaq ki, Prezidentin sərəncamı ilə Ordubadın keçmiş icra başçısı Elşad Novruz oğlu Məmmədov bu ilin martında vəzifəsindən azad edilmişdi.
