Dövlət

Prezident Meliorasiya və Su Təsərrüfatına pul ayırdı - SƏRƏNCAM

Prezident Meliorasiya və Su Təsərrüfatına pul ayırdı - SƏRƏNCAM | FED.az
11:39 8 İyul 2020

Prezident İlham Əliyev Abşeron yarımadasında kənd təsərrüfatına yararlı torpaqların suvarılma vəziyyətinin yaxşılaşdırılması ilə bağlı əlavə tədbirlər haqqında Sərəncam imzalayıb.

FED.az xəbər verir ki, Sərəncama əsasən “Abşeron yarımadasında kənd təsərrüfatına yararlı torpaqların suvarılma vəziyyətinin yaxşılaşdırılması məqsədilə Abşeron magistral kanalında yenidənqurma işlərinin aparılması və kanalın suburaxma qabiliyyətinin artırılması” layihəsi üzrə nəzərdə tutulan işlərin başa çatdırılması üçün “Azərbaycan Respublikasının 2020-ci il dövlət büdcəsində dövlət əsaslı vəsait qoyuluşu (investisiya xərcləri) üçün nəzərdə tutulan vəsaitin bölgüsü”nün 1.8.21-ci yarımbəndində göstərilmiş məbləğin 8,5 milyon manatı Azərbaycan Meliorasiya və Su Təsərrüfatı Açıq Səhmdar Cəmiyyətinə ayrılıb.

Sərəncamda Nazilər Kabinetinə və Maliyyə Nazirliyinə müvafiq tapşırıqlar verilib.

Digər xəbərlər

Banner