Dövlət

Prezident işdən çıxarılan icra başçılarından danışdı - AÇIQLAMA

Prezident işdən çıxarılan icra başçılarından danışdı - AÇIQLAMA | FED.az
00:00 20 Dek 2019

"Biz əldə edilmiş nailiyyətlərlə kifayətlənə bilmərik. Hazırda kənd təsərrüfatı sahəsində çox ciddi islahatlar aparılır, şəffaflıqla, subsidiyalarla bağlı yeni mexanizmlər tətbiq edilir. Əvvəlki dövrlərdə həm mərkəzi, həm də yerli icra orqanları tərəfindən subsidiyalarla bağlı böyük pozuntular var idi. Buna son qoyulur və son qoyulmalıdır".

Eləcə də bax: Dövlət Təhlükəsizlik Xidməti icra başçısını belə yaxaladı - ƏMƏLİYYAT VİDEOSU

FED.az xəbər verir ki, bunu Prezident İlham Əliyev bu gün Prezident yanında pambıqçılıq mövsümünün yekunları və 2020-ci ildə görüləcək tədbirlər ilə bağlı keçirilən müşavirədə deyib.

Dövlət başçısı bildirib ki, bu sahədə və bütün başqa sahələrdə tam şəffaflıq olmalıdır:

"Artıq bir neçə icra başçısı vəzifədən çıxarıldı və səbəblərdən biri də o idi ki, onlar kasıb vətəndaşlar üçün nəzərdə tutulan vəsaiti ora-bura xərcləyirdilər. O siyahılara ya öz qohumlarını yazdırırdılar, ya da ki, ümumiyyətlə, o vəsait ünvana çatmırdı. Belə siqnallar olub, onlar araşdırılır və daha da ciddi araşdırılacaq. İş təkcə inzibati cəza ilə məhdudlaşmayacaq və bunu hər kəs eşitsin, bilsin, burada oturanlar və burada olmayanlar. Ona görə hər yerdə şəffaflıq, dövlətə və xalqa, vətəndaşlara xidmət etmək əsas prinsip olmalıdır ki, vətəndaşlar dövlətin diqqətini daim hiss eləsinlər, necə ki, biz hər bir çətin anda vətəndaşın yanındayıq".

Digər xəbərlər

Banner