Mən xəbər tutandan sonra zəng edib Baş nazirə dedim ki, mütləq komissiya yarat və göndər hadisə yerinə getsin. Yaxşı, bunu mən deməli idim? Ekologiya naziri özü bilmirdi ki, oraya getməlidir?

İlham Əliyev müşavirə keçirdi, vəziyyəti açıqladı - İRADLAR SƏSLƏNDİRDİ - TAM MƏTN

FED.az xəbər verir ki, bu barədə prezident İlham Əliyev 2023-cü ilin 6 ayının nəticələrinə həsr olunmuş müşavirədə Gədəbəy rayonundakı qızıl yataqları yaxınlığında salınan süni gölün yaradılması, bununla bağlı əhalinin etirazı və bu məsələ ətrafında baş verən hadisələrə münasibət bildirərkən qeyd edib.

Dövlətimizin başçısı Nazirlər Kabinetini, Ekologiya və Təbii Sərvətlər Nazirliyini tənqid edərək deyib: “Mən demişəm, gedin orada camaatla danışın, o torpağın, havanın nümunələrini götürün, beynəlxalq ekspertləri cəlb edin ki, - çünki nazirlik bir halda bu hadisənin səbəbkarı olub, ola bilər ki, işi malalasın, - onlar rəy versinlər, bu yataqların istismarı nə dərəcədə insanların sağlamlığına, təbiətə zərərlidir, ya zərərli deyil? Bu günə qədər cavab yoxdur”.

Prezident tapşırıb ki, bir həftə ərzində həm ona, həm ictimaiyyətə məlumat verilməlidir və məsələ araşdırılmalıdır.