Martın 12-də Azərbaycan Respublikası Prezidenti İlham Əliyev Daxili İşlər Nazirliyinin Daxili Qoşunlarının hərbi qulluqçularının təltif edilməsinə dair Sərəncam imzalayıb.

FED.az xəbər verir ki, Sərəncama əsasən, xidməti vəzifələrini və hərbi hissə qarşısında qoyulmuş tapşırıqları yerinə yetirərkən fərqləndiklərinə görə iki hərbi qulluqçu “Vətən uğrunda”, üç nəfər “İgidliyə görə”, 7 nəfər isə “Hərbi xidmətlərə görə” medalları ilə təltif olunub.

Qeyd edək ki, martın 12-si ölkəmizdə Daxili Qoşunların yaranması günüdür.

Sərəncama əsasən, xidməti vəzifələrini və hərbi hissə qarşısında qoyulmuş tapşırıqları yerinə yetirərkən fərqləndiklərinə görə Daxili İşlər Nazirliyi Daxili Qoşunlarının aşağıdakı hərbi qulluqçuları təltif ediliblər:

“Vətən uğrunda” medalı ilə

Abbasov Vurqun Arif oğlu – polkovnik

Cəbrayılov Rövşən Ata oğlu – polkovnik

“İgidliyə görə” medalı ilə

Məmmədov İlqar Aydın oğlu – general-mayor

İsmayılov Alim Şükür oğlu – polkovnik

Məmmədov Sahib Kamaləddin oğlu – polkovnik

“Hərbi xidmətlərə görə” medalı ilə

Babayev Eldar Muxtar oğlu – polkovnik-leytenant

İsmayılov Eyvaz Əvəz oğlu – polkovnik-leytenant

Məhərrəmov Zaur Barat oğlu – polkovnik-leytenant

Məmmədov Vüqar Təhməz oğlu – polkovnik-leytenant

Ələkbərov Rəşad Rafiq oğlu – mayor

Tağıyev Arzuman Nadir oğlu – kapitan

Qurbanov Elçin Yaşar oğlu – baş leytenant.