"Ötənilki və hazırkı pensiya artımları üzrə pensiyaçılara illik əlavə 1 milyard manat ödəniləcək".
FED.az xəbər verir ki, bunu Əmək və Əhalinin Sosial Müdafiəsi naziri Sahil Babayev sərəncamın icrası ilə bağlı keçirdiyi mətbuat konfransında bildirib.
Sahil Babayev qeyd edib ki, Prezident İlham Əliyevin bugünkü sərəncamı ilə orta aylıq pensiya məbləği 262 manatdan 300 manatadək yüksəldilib.
"Bu həm də qeyri-formal məşğulluq sahəsində işləyən vətəndaşlara bir mesajdır ki, onlar da öz əmək fəaliyyətlərini rəsmiləşdirsinlər. Pensiya kapitallarına malik olsunlar ki, hər il dövlət tərəfindən həmin pensiya kapitallarının indeksləşdirilərək artırılması imkanından faydalansınlar. Beləliklə də gələcəkdə pensiya təminatı hüququna sahib olsunlar"-deyə Sahil Babayev bildirib.
