Dövlət

MSK daha bir məntəqənin nəticələrini - ETİBARSIZ SAYDI

MSK daha bir məntəqənin nəticələrini - ETİBARSIZ SAYDI | FED.az
17:36 22 Fev 2020

Mərkəzi Seçki Komissiyasının (MSK) bu gün keçirilən iclasında fevralın 9-da keçirilmiş Milli Məclisə seçkilərlə əlaqədar 83 saylı Ağcabədi-Füzuli seçki dairəsindən namizəd Anar İsayevin səlahiyyətli nümayəndəsi Taleh Əliyevin müraciətinə baxılıb. 

Eləcə də bax: 73 seçki məntəqəsinin nəticələri ləğv edildi - SİYAHI

FED.az “Report”a istinadən xəbər verir ki, məsələ ilə bağlı MSK üzvü İlham Məmmədov məlumat verib. 

Onun sözlərinə görə, namizəd müraciətində səsvermə günü qanun pozuntularının olduğunu qeyd edib: “Müraciətlə əlaqədar araşdırma aparılıb və şikayətçi ilə əlaqə saxlanılıb. Ekspert qrupu tərəfindən müraciət hərtərəfli araşdırılıb. Araşdırma zamanı dairə üzrə yalnız bir seçki məntəqəsində pozuntu aşkar edilib”. 

İclasda həmin dairənin 1 seçki ( 9 saylı) məntəqəsi üzrə səsvermənin nəticələrinin etibarsız sayılması məsələsi müzakirəyə çıxarılıb və qəbul edilib.

Digər xəbərlər

Banner