Xəbər verildiyi kimi, bu gün prezident İlham Əliyevin sərəncamı ilə Andrey Vladimiroviç Sipilin prezidentin köməkçisi təyin edilib.
Prezident özünə yeni köməkçi təyin edib - SƏRƏNCAMLAR
FED.az xatırladır ki, indiyədək A.Sipilin birinci vitse-prezident Mehriban Əliyevanın köməkçisi idi. O bu vəzifəyə 2019-cu ilin dekabrında təyin edilmişdi.
FED.az xəbər venir ki, A.Sipilin – «Paşa Holdinq»in yetirməsidir.
O uzun müddət «Paşa Holdinq» və ona yaxın şirkətlərdə çalışıb. Belə ki, A.Sipilin “Port Baku Kids Club” MMC-də, “Garage Parking” MMC-də, “Chic and Chic” MMC, “Abşeron” Mənzil Tikinti Kooperativi, və “Azərbaycan Hospitaliti” QSC-nin direktoru vəzifələrində çalışıb.
Prezidentin yeni köməkçisi Azərbaycan Dövlət İqtisad Universitetində (UNEC) biznes idarəetməsi və audit, Bakı Dövlət Universitetində hüquq ixtisasları üzrə təhsil alıb.
O 1999-2003-cü illərdə Azərbaycan Konstitusiya Məhkəməsində İT menecer kimi çalışıb. 2003-2008-ci illərdə isə «McDermott Caspian Constractor» şirkətində sənaye ərazisində əlaqələr üzrə menecer vəzifəsində çalışıb.
2008-2019-cu illərdə isə A.Sipilin «PAŞA İnşaat»” şirkətində insan resursları və inzibati işlər üzrə direktor vəzifəsində işləyib.
