Prezident İlham Əliyev oktyabrın 9-da - Xocavənd rayonunun Hadrut qəsəbəsinin Azərbaycan Ordusu tərəfindən ermənilərdən azad olunmasının 1 illiyində - Hadrut qəsəbəsinə və Tuğ kəndinə səfər edib.
FED.az xəbər verir ki, dövlət başçısı Hadrut qəsəbəsində yeni məscidin təməlini qoyub, Hadrut-Cəbrayıl-Şükürbəyli, Tuğ-Hadrut və Füzuli-Hadrut yollarında aparılan tikinti işləri ilə tanış olub, 35 kilovotluq yeni “Hadrut” yarımstansiyasının təməlini qoyub.
Sonra Prezident İlham Əliyev Xocavənd rayon ictimaiyyətinin nümayəndələri ilə görüşüb, daha sonra onlarla birlikdə Tuğ kəndinə gedib.
