74 saylı Lənkəran Kənd Seçki Dairəsi bu dairədə Milli Məclisə seçkilərin nəticələrinin ləğv olunması ilə bağlı xəbərlərə münasibət bildirib.
Eləcə də bax: Bir neçə məntəqədə seçkilərin nəticələri - LƏĞV OLUNUB
FED.az xəbər verir ki, Lənkəran Kənd Seçki Dairəsinin sədri Əlövsət Quliyev Oxu.Az-a açıqlamasında yayılan məlumatları təkzib edib.
Onun sözlərinə görə, müvafiq dairə üzrə qanun pozuntuları aşkarlanmayıb.
“Kimsə seçilmir, qalib gələnə iftira atmağa başlayır. Belə şeylər həmişə olur”,- deyə Ə.Quliyev əlavə edib.
Qeyd edək ki, Mərkəzi Seçki Komissiyasının Milli Məclisə növbədənkənar seçkilərlə əlaqədar açıqladığı ilkin nəticələrə görə, 74 saylı Lənkəran Kənd Seçki Dairəsinin lider namizədi Hadi Rəcəblidir.
