Dövlət

FHN-dən ixtisar açıqlaması - MƏLUMAT DÜZ DEYİL

FHN-dən ixtisar açıqlaması - MƏLUMAT DÜZ DEYİL | FED.az
23:04 26 Yan 2019

Fövqəladə Hallar Nazirliyi geniş ixtisarların aparılması ilə bağlı KİV-də yayılan məlumatlar haqda açıqlama verib.
FED.az xəbər verir ki, nazirliyin mətbuat xidmətinin məlumatında deyilir:  

Eləcə də bax: Mehriban Əliyevadan ixtisar olunan işçilərlə bağlı göstəriş - RƏSMİ AÇIQLAMA  

“Azərbaycan Respublikasının Prezidenti cənab İlham Əliyevin dövlət idarəçiliyinin daha da təkmilləşdirilməsi, dövlət orqanlarının və qurumlarının fəaliyyətinin optimallaşdırılması və dövlət büdcəsi vəsaitindən səmərəli istifadənin təmin olunması məqsədilə imzaladığı fərman və sərəncamlara,  verdiyi tapşırıq və tövsiyyələrə uyğun olaraq, Fövqəladə Hallar Nazirliyində struktur islahatları davam etdirilir.

Təəssüf hissi ilə bildiririk ki, bəzi KİV-də bu struktur islahatları fonunda Fövqəladə Hallar Nazirliyində geniş ixtisarların aparılması kimi həqiqətə uyğun olmayan məlumatlar yayılmaqdadır. Qeyd edək ki, həyata keçirilən struktur islahatları zamanı hər hansı kütləvi ixtisarlar aparılmır və belə ixtisarların aparılması nəzərdə tutulmamışdır.

Bir daha KİV nümayəndələrini diqqətli olmağa və həqiqətə uyğun olmayan, dəqiqləşdirilməmiş məlumatlar yaymamağa çağırırıq”.

Digər xəbərlər