Çin şirkəti Ələtə pul yatıracaq, Günəş panelləri istehsal edəcək – İLHAM ƏLİYEVLƏ GÖRÜŞDÜ
Çində səfərdə olan Azərbaycan prezidenti İlham Əliyev bu gün avqustun 31-də Tiencin şəhərində "Sichian Sunsync Photovoltaic Technology Co" şirkətinin təsisçisi və sədri ilə görüşüb
FED.az xəbər verir ki, "Sichian Sunsync Photovoltaic Technology Co" şirkətinin təsisçisi və sədri Sie İ ilə görüşdə Azərbaycanla Çin şirkəti arasında gələcək əməkdaşlıq məsələlərinə dair fikir mübadiləsi aparıldı.
Görüşdə Azərbaycanda «vergi cənnəti» kimi yaradılan Ələt Azad İqtisadi Zonasında yaxın gələcəkdə Günəş panellərinin istehsalı ilə bağlı ən müasir texnoloji standartlara cavab verəcək müəssisənin yaradılması ilə əlaqədar məsələlər müzakirə olunub. Bildirilib ki, burada istehsal ediləcək məhsulların böyük hissəsinin dünya bazarlarına ixracı nəzərdə tutulur.
Sie İ ölkəmizdə əlverişli investisiya mühitinin yaradıldığını və Azərbaycanla Çin arasında mövcud olan strateji əlaqələri nəzərə alaraq məhz Azərbaycana investisiya qoymaq barədə qərara gəldiklərini dedi.
