Bu gün Milli Məclisin yaz sessiyasının ilk plenar iclası keçiriləcək.
FED.az xəbər verir ki, iclasda Milli Məclisin İntizam və Hesablayıcı komissiyaları yenidən təşkil ediləcək, 2019-cu il yaz sessiyasının qanunvericilik işləri planı təsdiq ediləcək, parlamentin iki komitəsinə sədr müavinləri seçiləcək.
Eləcə də bax: Nazirlərin qəbuluna düşmək üçün - CƏDVƏL
Bundan əlavə iclasda Əmək Məcəlləsinə, Cəzaların İcrası Məcəlləsinə, Şəhərsalma və Tikinti Məcəlləsinə, "Sosial sığorta haqqında", "Ünvanlı dövlət sosial yardımı haqqında", "Sosial müavinətlər haqqında" və "Əmək pensiyaları haqqında", "Əmtəə nişanları və coğrafi göstəricilər haqqında", "Patent haqqında" və digər qanunlara əlavə və dəyişikliklər ediləcək.
Ümumilikdə iclasın gündəliyinə 38 məsələ daxildir.
