Neft və qaz sahəsindən asılılığın azaldılması əsas prioritetlərimizdəndir.
FED.az xəbər verir ki, bu sözləri Prezident İlham Əliyev sentyabrın 26-da ölkəmizdə səfərdə olan Beynəlxalq Maliyyə Korporasiyasının iqtisadiyyat və özəl sektorun inkişafı üzrə vitse-prezidenti Hans Piter Lankesin rəhbərlik etdiyi nümayəndə heyəti ilə görüşdə deyib.
Eləcə də bax: Prezident İlham Əliyev BP-nin Direktorlar Şurasının sədrini - QƏBUL EDİB
“Bizim əməkdaşlığımızın çox yaxşı və uğurlu tarixçəsi var. İqtisadiyyatımızın şaxələndirilməsi və dayanıqlı iqtisadi inkişaf üçün zəminin yaradılması planlarını nəzərə alaraq gələcək inkişaf üçün də yaxşı perspektivlər mövcuddur. Neft və qaz sahəsindən asılılığın azaldılması əsas prioritetlərimizdəndir. Əlbəttə, bunu bir günün içində etmək mümkün deyil, ancaq şaxələndirmə və iqtisadiyyatın müasirləşdirilməsi bizə bu asılılığın böyük dərəcədə aradan qaldırılmasına imkan verəcək. Əlbəttə, bildiyiniz kimi, biz biznes mühitinin yaxşılaşdırılmasına mühüm önəm veririk”, - deyə dövlətimizin başçısı qeyd edib.
Azərtac
