Dekabr ayının 3-ü Moskva şəhərində baş tutmuş Global Retail Real Estate Awards 2021 (GRREAt) beynəlxalq təltifetmə mərasimində Azərbaycanı təmsil edən Zefir Mall nüfuzlu mükafata layiq görülmüşdür.

PMD Group-dan FED.az-a verilən məlumata görə, GRREAt daşınmaz əmlak və pərakəndə satış sahəsində peşəkarları birləşdirən beynəlxalq mükafatdır və bu ilki seçim prosesində müxtəlif nominasiyalar üzrə 12 ölkəni təmsil edən fərqli ticarət mərkəzləri iştirak etmişlər.

Zefir Mall alış-veriş mərkəzi öz unikal dizaynı, rahatlığı və keyfiyyət standartları ilə öz rəqiblərindən fərqlənərək “Yeni kiçik ticarət mərkəzi” nominasiyasında qalıb elan olunmuşdur (daha ətraflı məlumat:  http://grre.at/2021/12/06/grreat21-winners/)

Qeyd edək ki, Zefir Mall alış-veriş və əyləncə mərkəzi bir PMD layihəsidir. Bakı dairəvi avtomobil yolunun yaxınlığında, Yasamal Yaşayış Kompleksinin (MİDA) girişində yerləşən ticarət mərkəzi geniş hədəf kütləsinin buraya rahatlıqla çatmasına imkan verir. 6500 kvadrat metr sahəni əhatə edən, özünün modern xarici dizaynı və rahat planlaşdırılmış kommersiya sahələri ilə seçilən alış-veriş və əyləncə mərkəzində müxtəlif mağazalardan əlavə kafe və restoranlar da fəaliyyət göstərir (https://www.fmg.az/zefir-mall).

Fotolar: