Noyabrın 1-də toyuq əti və məhsullarına iki il müddətinə tətbiq edilən yüksək tarifin vaxtı başa çatır. Təhlillər göstərir ki, yüksək rüsum tətbiq edildikdən sonra idxal azalmayıb, əksinə, iki dəfəyə yaxın artıb.
Dövlət Gömrük Komitəsinin məlumatına görə, bu ilin birinci yarısında idxalın həcmi 12 min 912 ton təşkil edib. Bu, 2017-ci ilin yanvar-iyun ayından 119 ton və ya 1% azdır.
Hökumətin 2016-cı ilin oktyabrında bir sıra məhsullara yüksək idxal rüsumların tətbiqi haqqında proteksionist qərarı qəbul ediləndən qabaq quş əti və onun məhsullarından idxal 7 min 628 ton təşkil etmişdi.
Quş ətinin idxalına görə idxal rüsumu 1 dollar/kq təşkil edir. Noyabrın 1-dən etibarən tarif malın gömrük qiymətinin 15%-dək azalacaq.
