Sahibkarlıq ilə maraqlanan ya da maraqlanmayan hər insanın həyatında ən az bir dəfə ağlına bir iş fikri gəlib. Yaxşı bu insanlardan neçəsi bu fikrinin arxasından sonuna qədər gedib və sahib olduqlarını bir kənara qoymuşdur? Ağlına gələn fikrini həyata keçirmək üçün çalışan və bu fikri təkmilləşdirmək üçün bütün məlumatlarını istifadə edən Veysel Berk də bu əzmli insanlardan biridir. Veysel Berk altına imzasını atdığı milyon dollarlıq dəyərə sahib olan Wallit, çayçı, PayPad və Evebirilazım kimi layihələri ilə uğurunu hər kəsə sübut etmiş oldu.

Veysel Berkin ilk layihəsi yerin 3 metr altında 4 kvadrat metrlik bir otaqda şüa mikroskopu üzərində çalışarkən birdən ağılına gəlmişdi. Kiçik bir otaqda çalışarkən Veysel Berkin ağlına gələn bir fikrin milyon dollarlıq bir ideya ola biləcəyi kimin ağlına gələrdi ki? Wallit’in quruluşu haqqında Veysel Berk “Bir virtual divar olsa, insanlar oturduqları yerdən bu divara yazabilsələr, şəkillərini videolarını qoyabilsələr, canlı söhbət edərdik, heç olmazsa darıxmazdıq dedim və dərhal mikroskopdan başəmı qaldırdım. Yahoo və Google-da dostlarıma göndərdim. Bu vaxt sərmayəçilər də layihəni eşidirlər. Wallit adını verdiyimiz tətbiqə, bir iki həftə kimi qısa bir müddətdə 1.2 milyon dollar investisiya aldıq.

Evebirilazım ideyası yaranır

Veysel Berkin sahibkarlıq fəaliyyəti bununla bitmir. Türkiyəyə geri döndükdən sonra türk mühəndis yoldaşları ilə birlikdə tutduqları ofisi təmizləmək üçün təmizlikçi tapa bilmədiklərini gördülər. Təmizlikçi axtaranlarla təmizlik xidməti verənləri bir araya gətirən bir platforma yaratdılar və beləcə Evebirilazım adlı şirkət yarandı.

Çaycı şəbəkəsini də həyata keçirir

İnnovativ startuplardan sonra ənənəvi biznesə başladı və Çaycı markasını yaratdı. “Türkiyə gündə 250 milyon stəkan çay istehlak edən bir ölkədir, yəni qəhvədən qat-qat çoxdur. Ancaq qəhvə şəbəkələri hər yerdə olduğu halda çay üçün xüsusi bir marka yox idi, 15 dəqiqədə bir təzə çay dəmləyən bu sistemlə müştərilərimizə hər zaman eyni keyfiyyətdə və eyni standartda çay içirmək planlaşdırırıq” söyləyir iş adamı.

Sadə fikirlər böyük işlər yaradır.

İctimati iaşələrdə istifadə olunan ödəmə sistemlərinin bahalı olduğunu gördük və data əsaslı iPad ilə çalışan MobilKassanı yaratdıq. Digər restoran və kafelər də bu sistemi bizdən almağa başladılar. 6 böyük Mall da daxil olmaqla bir çox ictimati iaşə obyektlərində bu gün bizim yaratdığımız MobilKasa sistemi işləyir.

Ətrafınızdakı çatışmazlıqları gördüyünüzdə və onları dəyişmək üçün bir həll yolu axtardıqda dünyanı dəyişməyə başlayırsınız. Bir çox məşhur iş adamının dediyi kimi sadə düşünün. O zaman böyük fikirlər yaradacaqsınız.

Eləcə də bax: “İş adamı olacağımı deyəndə, mənə gülürdülər”