Biznes

Yapon iş adamı Oğuzda müəssisə açıb – $2,2 Milyon Yatırıb

Yapon iş adamı Oğuzda müəssisə açıb – $2,2 Milyon Yatırıb | FED.az
14:42 5 Avq 2020

Oğuzda yaponiyalı iş adamının yaratdığı tütün müəssisəsində Kiçik və Orta Biznesin İnkişafı Agentliyinin (KOBİA) iştirakı ilə tədbir keçirilib.

Eləcə də bax: KOBİA: “Yeni güzəştli kredit mexanizmləri KOB-lar üçün əlavə imkanlar yaradır”

FED.az xəbər verir ki, KOBİA-nın İdarə Heyətinin sədri Orxan Məmmədovun, Oğuz Rayon İcra Hakimiyyətinin başçısı Eyvaz Qurbanovun, “Oğuz Aqro İndustry” MMC-nin direktor müavini Namiq Ələsgərovun və müəssisənin Yaponiyadan olan investoru Muneçika Tanionun iştirakı ilə aparılmış müzakirələr zamanı müəssisənin fəaliyyətinin genişləndirilməsi və əməkdaşlıq imkanları nəzərdən keçirilib.

Müəssisə “Azərbaycan Respublikasında tütünçülüyün inkişafına dair 2017–2021-ci illər üçün Dövlət Proqramı” çərçivəsində yaradılıb. Xarici investisiya əsasında qurulmuş müəssisədə tütünün becərilməsi, tədarükü və qurudulması həyata keçirilir. Oğuz, Qəbələ və Tovuz rayonlarında yerləşən 210 hektar ərazidə tütün əkilib və məhsulun qurudulması üçün Avropa ölkələrindən 50 ədəd tam avtomatlaşdırılmış tütünqurutma kamerası gətirilib. 2020-ci ildə 2 min ton yaş tütün tədarük olunmaqla 800 tona yaxın hazır məhsul əldə olunması nəzərdə tutulur.

Layihəyə yaponiyalı investor tərəfindən 2,2 milyon ABŞ dolları həcmində investisiya yatırılıb. Hazırda müəssisədə 150 nəfər daimi, 300-dən çox mövsimi işçi çalışır.

KOBİA bu müəssisənin qurulması və fəaliyyətinin genişləndirilməsi üçün dəstək və yardım edib. Agentlik dövlət və özəl qurumlarla əlaqələndirmə, sahibkarlığa göstərilən dövlət dəstəyi mexanizmlərindən istifadə istqamətlərində iş görüb.

Müəssisəyə investisiya təşviqi sənədi də verilib, bu sənəd müəssisəni 7 il müddətinə mənfəət vergisinin 50%-dən, əmlak, torpaq vergilərindən, idxal olunan avadanlıq və qurğular üçün ƏDV-dən və gömrük rüsümlarından azad edir.

Növbəti illərdə istehsalın genişləndirilməsi, Oğuz, Tovuz və Qəbələ rayonları ilə yanaşı, Şəki, Zaqatala, Qax, İsmayıllı, Masallı, Tovuz və Balakəndə də tütünçülük təsərrüfatlarının yaradılması nəzərdə tutulur.

Bundan başqa, tütünçü fermerlərin maarifləndirilməsi üçün KOBİA ilə birgə təlimlərin keçirilməsi, turizm, kənd təsərrüfatı və müxtəlif istehsal sahələrinə maraq göstərən yaponiyalı investorların ölkəmizə səfərinin təşkili planlaşdırılır.

Yapon iş adamı Oğuzda müəssisə açıb – $2,2 Milyon Yatırıb | FED.azYapon iş adamı Oğuzda müəssisə açıb – $2,2 Milyon Yatırıb | FED.azYapon iş adamı Oğuzda müəssisə açıb – $2,2 Milyon Yatırıb | FED.azYapon iş adamı Oğuzda müəssisə açıb – $2,2 Milyon Yatırıb | FED.azYapon iş adamı Oğuzda müəssisə açıb – $2,2 Milyon Yatırıb | FED.az

Digər xəbərlər