“Xəzər-Lada” ASC-nin səhmlərinin 12,2%-nə nəzarət edən Naməddin Qasımzadə payını 12,6%-ə çatdırıb.
FED.az bu barədə şirkətin maliyyə hesabatına istinadən xəbər verir.
Sənədə əsasən, əvəzində “Xəzər-Lada”da fiziki şəxslərin payı 8,6%-dən 8,2%-ə enib.
Digər səhmdarlar – Aleksandr Nikiforov, Lyudmila Nazarenko və Fəxrəddin Qasımzadənin payı isə dəyişməyərək müvafiq olaraq 30%, 29,8% və 19,4% qalıb.
Daha bir yenilik isə şirkətin səhmdarlarının sayının 1 nəfər artaraq 151-ə çatmasıdır. Artım minorotar səhmdarlarının hesabına baş verib.
Xatırladaq ki, "Xəzər-Lada" şirkəti 2014-cü ildə yaradılıb, Rusiyanın "Avto-VAZ" şirkətinin istehsal etdiyi avtomobillərin Azərbaycanda satışı ilə məşğuldur. Onun nizamnamə kapitalı 445,8 min manatdır.
Eləcə də bax: Almaniyadan dizel maşınlarının ən çox daşındığı – ÖLKƏLƏR AÇIQLANDI
