Regionun ilk və tək “Fintech As A Service” xidmət təminatçısı olan “United Payment” MMC KOBİA və MARSOL-un dəstəyi ilə “Heydər Əliyev və Azərbaycan Sahibkarlığı” adlı tanıtım sərgisində iştirak edir.

FED.az xəbər verir ki, “United Payment” şirkətinin sərgidə iştirakının əsas məqsədi yerli şirkətlərin ən müasir elekronik ödəmə alətlərindən istfadəsinə dəstəyin göstərilməsi, eləcə də onlayn ödənişlərdən faydalanaraq müştəriləri üçün daha əlçatan etməkdən ibarətdir. Bununla da, “United Payment” MMC olaraq ölkənin Rəqəmsal Ödəniş Strategiyasına və iqtisadiyyatın inkişafına töhfə vermis oluruq.

Qeyd edək ki, sərgi bu gün işə başlayıb və iyun ayının 10-dək (“Crystall Hall”da) davam edəcək.

Ümummilli Lider Heydər Əliyevin 100 illik yubileyinə həsr olunan sərginin məqsədi Ulu Öndərin ölkəmizdə sahibkarlıq ənənələrinin bərpasında və inkişafındakı xidmətlərini bir daha xatırlatmaq, eləcə də Azərbaycan şirkətlərinin daha geniş tanıdılması, bazarlara çıxış imkanlarının genişləndirilməsi, iş adamları arasında biznes tərəfdaşlığının inkişaf etdirilməsi və yeni əməkdaşlıqların qurulmasıdır.

Sərgidə sənaye, kənd təsərrüfatı, qida, İKT, təhsil, inşaat, logistika, tekstil və digər sahələrdə fəaliyyət göstərən 150-dən çox yerli şirkətin məhsul və xidmətləri nümayiş olunur.

İyunun 10-dək keçiriləcək sərginin başlıca üstünlüyü burada iqtisadiyyatın bütün sektorları üzrə məhsul və xidmətlərin təqdim olunmasıdır. Sərgi çərçivəsində iş adamları arasında ikitərəfli görüşlər də keçiriləcək.

Sərgi çərçivəsində iyunun 9-da “Baku Crystal Hall”da “Böyük qayıdış - işğaldan azad olunmuş ərazilərdə investisiya imkanları və güzəştlər”, iyunun 10-da isə “Müasir çağırışlar fonunda iqtisadi transformasiya: rəqabətli və dayanıqlı bizneslərin formalaşması” mövzularında panel müzakirələr təşkil olunacaq.