Türkiyədə sarımsağın qiyməti kəskin artıb.
FED.az xəbər verir ki, hazırda sarımsağın kiloqramı 45 TL-yə (13,2 manata) satılır. Ötən il kiloqramı 5 TL-yə satılan sarımsaq bu il 9 dəfə bahalaşıb Nəticədə bəzi vətəndaşlar sarımsağı kilo ilə deyil, dənə ilə almağa başlayıb.
Eləcə də bax: Soğan böhranı - Türkiyədə qiyməti 10 lirəni aşıb
Türkiyənin Sivas bölgəsindəki ticarətçilər bildirir ki, qiymət artımının səbəbi istehsalın azlığı olub. Halbuki ötən illərdə sarımsağın kiloqramı 4-5 TL ətrafında idi.
Xatırladaq ki, Türkiyə Statistik Komitəsinin (TÜİK) məlumatına görə, sentyabrda 42,58 faiz ilə ən çox sarımsaq bahalaşıb. Qeyd edək ki, Türkiyədə bazarlarında sarımsağın kiloqramının qiyməti 50 lirəni (təxminən 17 manat) görüb.
Eləcə də bax: “Soğanın qiyməti bundan aşağı olanda - BİZƏ SƏRFƏLİ OLMUR" - FERMERDƏN AÇIQLAMA
Yay boyunca Qaradənizdə davam etmiş yağıntılar sarımsaq istehsalını azaldıb və nəticədə qiymətlər rekord səviyyələrə yüksəlib.
