2023-ci ilin iyul ayında Türkiyədə Azərbaycan kapitalı ilə 151 şirkət qeydiyyata alınıb ki, bu da 2022-ci ilin eyni dövrü ilə müqayisədə 36 şirkət azdır.
“Trendyol” Azərbaycanda - ŞİRKƏT YARADIB
FED.az xəbər verir ki, bu barədə Türkiyə Ticarət və Sənaye Palatası (TOBB) məlumat verib.
Qeyd olunur ki, hesabat dövründə, qeydiyyata alınan Azərbaycan şirkətlərinin sayının azalmasına baxmayaraq, onların ümumi kapitalı artıb.
“Hesabat dövründə Türkiyədə qeydiyyata alınan Azərbaycan şirkətlərinin məcmu kapitalı 152,7 milyon türk lirəsi olduğu halda, 2022-ci ilin eyni dövründə bu rəqəm 74,6 milyon türk lirəsi təşkil edib” -deyə Türkiyə Ticarət və Sənaye Palatasından bildirilib.
Türkiyə Ticarət və Sənaye Palatasından o da qeyd olunub ki, 2023-cü ilin iyul ayında Azərbaycan şirkətlərinin əksəriyyəti İstanbulda (128) qeydiyyata alınıb.
“İstanbulda qeydiyatdan keçən Azərbaycan şirkətlərinin ümumi kapitalı 138,8 milyon türk lirəsi təşkil edib”, - deyə məlumatda bildirilib.
Qeyd edilib ki, 2023-cü ilin iyul ayında Türkiyədə Azərbaycan kapitalı ilə 79 topdan və pərakəndə ticarət şirkəti qeydiyyata alınıb.
Qalan şirkətlər iqtisadiyyatın digər sahələrində iştirak edir. (Trend)
