Azərbaycanın qida bazarının (FMCG) iştirakçılarından olan “AZ FP CO LTD” MMC (Azerbaijan Food & Packaging Company) bazarda mövqeyni bir qədər də gücləndirməyə çalışır.
FED.az biznes və maliyyə xəbərləri portalı Banker.az-a istinadən xəbər verir ki, ölkə bazarında “Milla” süd məhsulları ilə tanınan şirkətin nizamnamə kapitalı 1 503 000 manat və ya 8.4% artırılıb.
Bununla da “AZ FP CO LTD”nin nizamnamə kapitalı 19 481 038 manatdan 17 978 038 manata qaldırılmışdır.
Şirkətə üç ay öncə 7 000 000 manat, yaxud nizamnamə kapitalı 64% artırılmışdı.
“AZ FP CO LTD” MMC 2006-cı ildə yaradılıb və ölkədə “Milla” brendi ilə süd məhsulları çıxarmaqdadır.
Qeyd edək ki, şirkətin rəsmi internet səhifəsi bir neçə müddətdir texniki nasazlıqlarla çalışmaqdadır.
