Banner

Biznes

Şirkət daxili yükdaşımaya görə hansı halda ƏDV qeydiyyatına - ALINA BİLƏR?

Şirkət daxili yükdaşımaya görə hansı halda ƏDV qeydiyyatına - ALINA BİLƏR? | FED.az
12:19 12 Dek 2019

Şirkət daxili yükdaşımaya görə hansı halda ƏDV qeydiyyatına alına bilər?

Vergilər Nazirliyinin Media və Kommunikasiya İdarəsindən FED.az-a bildirilib ki, Vergi Məcəlləsinə əsasən, mülkiyyətində və ya istifadəsində olan avtonəqliyyat vasitələri ilə Azərbaycan Respublikasının ərazisində sərnişin və yük daşımalarını (o cümlədən taksi ilə) və yaxud həmin daşımaları müqavilə əsasında digər şəxslər vasitəsilə həyata keçirən şəxslər aşağıdakı tələblərə cavab verdiyi halda ƏDV qeydiyyatına alına bilər:

Eləcə də bax: ƏDV-nin qaytarılmasına - YANVARIN 1-DƏN BAŞLANACAQ - AÇIQLAMA

- göstərilən xidmətlərin dəyərini və alınmış malların (işlərin və xidmətlərin) dəyərini nağdsız qaydada əldə edən və ödəyən;

- digər vergi ödəyicilərinə göstərilən xidmətlər üzrə əldə edilən gəlirlərini və gəlirlərin əldə olunması üzrə çəkilən xərclərini elektron qaimə-faktura ilə rəsmiləşdirən;

- göstərilən xidmətlər üzrə əməliyyatların uçotunu vahid mərkəzləşdirilmiş elektron sistem üzərində aparan və vergi orqanının həmin sistemə məsafədən çıxış imkanını təmin edən.

Vergi Məcəlləsinin 156.1-1-ci maddəsində nəzərdə tutulan şəxslər, yanvarın 31-dən gec olmayaraq, ƏDV məqsədləri üçün qeydiyyata alınmasına dair ərizəni uçotda olduğu vergi orqanına təqdim edir və həmin şəxslərin ƏDV məqsədləri üçün qeydiyyatı həmin ayın birinci günündən qüvvəyə minir.

Digər xəbərlər

Banner