Vergilər Nazirliyində daha bir mühüm kadr təyinatı olub. FED.az xəbər verir ki, Mikayıl Cabbarovun əmri ilə Ülvü Mansurov nazir müşaviri təyin olunub. Təyinat hələ 2017-ci ilin sonunda baş verib. Ü.Mansurovun təyinatından sonra Mərkəzi Bankın sabiq əməkdaşı Xəqani Abdullayev, Təhsil Nazirliyinin keçmiş işçiləri Elnur Əliyev, Camal Qasımov da yeni müşavirlər sırasında yer alıb.

Xatırladaq ki, Ülvi Mansurov 2 ay əvvəl “Azərpoçt” MMC-nin baş direktoru vəzifəsinə təyinat almışdı. Uzun müddət “Texnikabank”ın İdarə Heyətinin sədri işləmiş Ü.Mansurov Azərbaycan Beynəlxalq Bankının İdarə Heyəti sədrinin müavini, eləcə də Kapitalbankda sədr müavini postlarını tutub.