Rusiyalı iş adamı və investor, “DST” Global İnvestisiya Fondunun sahibi Yuri Milner Rusiya vətəndaşlığından imtina edib.
Eləcə də bax: Rusiya bazarını tərk edən xarici bizneslər - 200-240 Milyard Dollar İtirib
FED.az “Qafqazinfo”ya istinadən xəbər verir ki, bu barədə o, öz tviter hesabında yazıb.
Milnerin sözlərinə görə, o, ailəsi ilə birlikdə 2014-cü ildə Rusiyanı tərk edib.
“Bu yay biz Rusiya vətəndaşlığından çıxmaq prosesini rəsmən başa çatdırdıq”, - iş adamı yazıb.
Qeyd edək ki, Milner bu il Rusiyanın Forbes reytinqində 15-ci yeri tutub. Onun sərvəti 7,3 milyard dollar qiymətləndirilib.
