22 iyun 2024-cü il tarixdə, saat 11:00-da "Şərq-Qərb" Açıq Səhmdar Cəmiyyətinin səhmdarlarının növbəti ümumi yığıncağı keçiriləcək.
FED.az xəbər verir ki, yığıncaq ASC-nin Bakı şəhəri, Xətai rayonu, Aşıq Ələsgər küçəsi, 17 ünvanında yerləşən inzibati binasında keçiriləcək.
Yığıncağın gündəliyində aşağıdakı məsələlər durur:
1) ASC-nin 2023-cü il üzrə illik və maliyyə hesabatlarının təsdiq edilməsi;
2) ASC-nin Müşahidə Şurasının üzvlərinin və sədrinin növbəti müddətə təyin edilməsi;
3) ASC-nin müfəttişinin növbəti müddətə təyin edilməsi;
4) ASC-nin 2023-cü il üzrə mənfəət və zərərinin bölüşdürülməsi, dividend;
5) Digər cari məsələlər.
Ümumi yığıncağın gündəliyindəki məsələlərə dair materiallarla tanış olmaq üçün ASC-nin aşağıda qeyd olunan əlaqə nömrələri ilə əlaqə saxlanılması xahiş olunur.
Ümumi yığıncaqda bütün səhmdarların iştirakı vacibdir. Səhmdar ümumi yığıncaqda iştirak hüququnu bilavasitə özü və ya nümayəndəsi vasitəsilə həyata keçirir. Bu zaman səhmdarın nümayəndəsi qanunvericiliklə müəyyən edilmiş qaydada (notarial) tərtib edilmiş etibarnaməyə malik olmalıdır.
Əlaqə telefonu: (012) 374-75-62; (012) 374-73-84; (012) 374-83-43.
