24 noyabr tarixində şəhərimizin seçilən məkanlarından birində “PMD Projects” MMC tərəfindən “Tərəfdaşlara Təşəkkür Tədbiri” keçirilmişdir.
FED.az xəbər verir ki, tədbirdə PMD Projects tərəfindən icra olunan layihələrin sifarişçiləri və tərəfdaşlarını təmsil edən səlahiyyətli nümayəndələr iştirak etmişdir.
Tədbirin keçirilməsində əsas məqsəd PMD Projects tərəfindən həyata keçirilən təmir, tikinti və bərpa layihələrinin maraqlı tərəflərinə göstərdikləri etimada görə təşəkkür ifadə etmək, hazırda həyata keçirilən layihələrin icrası ilə bağlı onlara məlumat vermək və tərəfdaşları bir araya gətirmək olmuşdur.
Qeyd edək ki, PMD Projects PMD-yə daxil olan və daşınmaz əmlak layihələrinin təmir, tikinti və bərpasının planlaşdırılması və idarə olunması sahəsində fəaliyyət göstərən bir tikinti şirkətidir. Yerli peşəkarlardan ibarət təcrübəli heyəti ilə şirkət Azərbaycanın müxtəlif bölgələrində yaşayış binalarının, mehmanxanaların, iaşə obyektlərinin, eləcə də, kənd təsərrüfatı təyinatlı obyektlərin tikintisini həyata keçirir. Nümunə kimi ölkəmizdə mühüm layihələrdən sayılan “Lənkəran İstisu və Sağlamlıq Mərkəzi”nin tikintisini, “Şərq Bazarı”-nın bərpa və yenidənqurmasını, “Köhnə Travmatologiya Binası”-nın bərpa və yenidənqurmasını (hazırkı “Bakı Kitab Mərkəzi”) göstərmək olar.
Şirkətin digər layihələri və fəaliyyəti ilə daha ətraflı tanış olmaq üçün www.pmdprojects.az linkinə keçid edə bilərsiniz.
