İş adamı Fərhad Əhmədova məxsus, atası Teymur Əhmədovun adını daşıyan "AzNar" Qapalı Səhmdar Cəmiyyətinin (QSC) ölkədən çıxışına məhdudiyyət qoyulan baş direktoru vəzifəsindən azad edilib. 

Azərbaycanda milyarder Fərhad Əhmədovun şirkətlərinin rəhbərlərinə - “STOP” QOYULDU

FED.az xəbər verir ki, Abbasov Bəylər Rəşid oğlu "AzNar" QSC-nin baş direktoru və qanuni təmsilçiliyindən ayrılıb. 

Onun yerinə Hüseynov Natiq Elxan oğlu gətirilib. 

Qeyd edək ki, nizamnamə kapitalı 150 milyon manata yaxın olan "AzNar" QSC-nin qanuni təmsilçisi Abbasov Bəylər Rəşid oğlunun bu ilin iyul ayında vergi borcuna görə ölkədən çıxışına məhdudiyyət qoyulub.

Şirkətin Dövlət Vergi Xidmətinin 9 saylı Ərazi Vergilər İdarəsinə 373.070,78 AZN vergi borcu bir qədər də artaraq 411114.19 AZN-ə yüksəlib. (Qaynarinfo)